Од 1 јануари компаниите во Србија кои произведуваат цемент, железо, челик, алуминиум, вештачко ѓубриво и електрична енергија ќе плаќаат данок на загадување. Данокот ќе важи и за компаниите кои ги увезуваат овие суровини, со надомест од 4 евра по тон јаглерод диоксид.
Со плаќањето на националниот данок, локалните компании ќе бидат ослободени од европскиот данок кој изнесува 90 евра по тон јаглерод диоксид и исто така стапува на сила на 1 јануари следната година. Министерството за финансии на Србија наведува дека целта на воведувањето на овој данок е да се охрабрат компаниите да инвестираат повеќе во обновливи извори на енергија.
