Емануел Макрон побара од премиерот во оставка, Себастијан Лекорну, да одржи последни разговори со политичките партии во обид да се стабилизира земјата. Тие се сретнаа во Елисејската палата, откако Лекорну поднесе оставка по само 26 дена на функцијата, што ја фрли земјата во уште поголем политички хаос.
Десничарската партија Национален собир го повика Макрон да го распушти парламентот и да свика предвремени избори, а социјалистите, кои победија на последните избори, изјавија дека е време премиер да дојде од редовите на левицата – на што Макрон досега се противеше.
По ваквиот развој на настаните, експлозии го потресоа центарот на Париз утрово, пред да избувне пожар во комбе во близина на канцеларијата на францускиот премиер. Сведоци изјавија дека слушнале три експлозии преку улицата од хотелот „Де Матинјон“, официјалната резиденција на францускиот премиер.
Пожарот се случил во време кога премиерот Себастијан Лекорну требало да одржи состаноци по неговата оставка, пишува „Мирор“.
