Најголемиот дел од нашите станбени згради се изградени одамна и до денес остана необновени. Денешното време носи нови предизвици, но и нови можности. Со поддршка од општината станарите ќе добијат субвенции за нови фасади и прозорци, ова нема само да го подобри квалитетот и изгледот на зградите, туку што е уште поважно значително ќе ги намали трошоците на граѓаните за греење и ладење, стои во соопштението за кандидатот на ВМРО-ДПМНЕ за градоначалник на општина Пробиштип Тони Тоневски.
Ќе субвенционираме и нови енергетски-ефикасни фасади и прозорци за семејните куќи, но не застануваме тука старите азбестни покриви мора да ги замениме што е можно побрзо, азбестот претставува сериозна закана за здравјето и не смее да биде дел од нашата иднина.
Секој граѓанин заслужува поддршка за подобар и побезбеден живот.
Токму затоа, во сите станбени згради ќе направиме целосна проверка на хидрантските мрежи и ќе поставиме нови хидранти каде што има потреба. Безбедноста и здравјето немаат цена, заедно со секој еден од вас ќе ја градиме нашата иднина. Направи го вистинскиот избор, за тебе, за твоето место, за твојата иднина!
