Современите безбедносни предизвици не можат да се решат во изолација, порача министерот за внатрешни работи Панче Тошковски на денот на одбележувањето на Меѓународниот ден на полициската соработка.
Во време на растечки закани од организиран криминал, тероризам и кибернетски криминал, Тошковски ја нагласи клучната улога на меѓународната полициска координација, оценувајќи дека токму преку здружени напори, размена на информации и заеднички акции може ефикасно да се гарантира сигурноста на граѓаните.
„Нашата полиција не делува сама. Работиме рамо до рамо со партнерските служби во регионот, Европа и пошироко. Македонија е сигурен и кредибилен партнер на меѓународната сцена“, изјави министерот.
