Повеќе од три децении напредок, безбедност и сигурност на граѓаните, македонската Армија ја пишува својата приказн како чувар на татковината. Токму таквата професионалност, пожртвуваност и одговорност, прави армијата да има висока доверба кај граѓаните, рече претседателката и врховен командант на вооружените сили, Гордана Сиљановска-Давкова во обраќањето на Централнат свеченост по повод Денот на Армијата, што се одржа во касарната Јане Сандански во Штип. На церемонијата присуствуваа премиерот, претседателот на Собранието, дипломатскиот кор во државата, како и роднини и пријатели на новопромовираните подпоручници и подофицери.
„Повеќе од три децении Армијата ја пишува својата приказна како чувар на татковината. Визијата на Генералштабот, дејството на Командата за операции, знаењето на Командата за обука и доктрини, поддршката на Логистичката база и честа на батаљонот за почести, се присутни во секој сегмент од армиското делување. Нашата Армија е столб на стабилноста и мирот„ подвлече претседателката Гордана Сиљановска-Давкова.
Министерот за одбрана, Мисајловски им го честита роденотот на македонските војници и им се заблагодари на сите мажи и жени во униформи кои секојдневно со својот ангажман и пожртвуваност докажуваат дека Македонија, има организирана, професионална и високопочитувана армија. Тој додаде дека финансирањето на Армијата е на високо ниво и постојано се работи на нејзино опремување и вооружување и тоа преку нови униформи, специјални возила, набавка на оружје, хеликоптери, опрема за сајбер одбрана.
„Денес можам да потврдам дека столбовите на кои ја градиме Армијата и одбранбените сили стојат цврсто. Буџетирањето на одбраната е на високо ниво, а така и ќе продолжиме. Силно сме посветени да ја зајакнеме нашата одбрана со исполнување на заложбите за инвестиции во одбранбените ресурси согласно одлуките на Самитот на НАТО во Хаг и сакам да се заблагодарам на премиерот и на Владата за целата поддршка. ИНвестициите во одбрната ги гледаме на дело. Средствата кои граѓаните ги вложуваат во нашата одбрана ги инвестираме плански и домаќински. Резултатот го гледаме пред нас, во новите лесни оклопни возила, во новите артилеериски орудја, во нова и напредна опрема која ни овозможува да кажеме дека македонската Армија, е НАТО армија „ рече министерот за одбрана, Владо Мисајловски.
„Армијата ја има најважната мисија, а тоа е одбрана и заштит на теритеријалниот интегритет и независноста на татковината. Почитувани припадни, нашата мисија е наш светост. Таа е наш императив и наша суштина . Во изминатиот период напорно работевме во иполнувањето на истата. Јасно ги поставивме приоритетите со што значително се подобрија борбените функции со што ја зголемивме борбената готовност„ рече началникот на Генералштабот, генерал-мајор Сашко Лафчиски.
Центарот за обука на питомци и офицери беше одликуван со Орден за воени заслуги, а на церемонијата беа построени и новопромовираните 26 потпоручници и 149 подофицери кои неодамна го завршија школувањето и обуката.
