Преку езерото е единствениот фестивал кои ги помага младите актери студенти и дебитанти во стартот на кариерата. Втора година по ред се одржа работилница “Нови Бранови” во која младите учесници креираа свои приказни, а со помош на менторите Александар Русјаков и Дејан Милошевски ги напишаа своите сценарија кои ќе прераснат во дебитантски и студенски филм за една година.
“Станува збор за една група студенти на факултетот за драмски уметности и поранешен студент на Универзитетот “Еуропа прима” мене ми е многу драго што уште еднаш покажуваме дека во принцип, освен што сме многу фокусирни на сегашноста, ние овде се грижиме за иднината.Затоа што иднината се студентите. Нашата идеја е таму да се развиваме, и да направиме многу повеќе простор за младите и студентите” вели директорот на фестивалот „Преку езерото“ Јани Бојаџи.
За младите учесници на фестивалот беа одржани и два мастер класови со актерот и лауреат оваа година на наградата „Мето Јовановски“ на “Преку езерото”, Лазар Ристовски. Вториот мастерклас го одржа Милад Тангшир. Иранец кој живее и работи го Италија – режисер кој успеал да се пробие во европската кинематографија.
“Мастеркласот на Лазар Ристовски помина прекрасно, студентите се интересираа за неговите искуства, во смисла на креирање на неговите улоги и продукцијата.Затоа што работи и како продуцент” вели Набојша Јовановиќ, уметнички директор на „Преку езерото“.
Александар Русјаков веќе втора година по ред работи со студентите и вели дека ова е можност која што речиси никој во Македонија не им ја нуди на младите.
“Реално ова е нешто што мислам дека секој треба да прави, младите имаат потреба од помош, како ние на времето имавме потреа од помош но никој не ни помагаше, ова е голем стимул да се соочат со сите проблеми кои надоаѓаат, затоа што филмот според мене е најтешката професија” вели Русјаков.
Ланските добитници на финансиската помош која ја доделува „Преку езерото” ги прикажаа двата краткрометражни филма кои ги изработија за 365 денови. “Езерото”, по сценарио и режија на Софија Христовска и “Бојата на темнината”, по сценарио и режија на Кристијан Костадиновски.
“Генерално, многу сум задоволна од соработката што ја имав со сите кои работеа со мене, ова беше еден процес што ме научи многу и се изненадив искрено колку луѓе ми излегоа во пресрет ние се трудевме да направиме најмногу што можевме” изјави Софија Христовска.
Добитници на грантот оваа година кој го доделува “Преку езерото” се Исток Чаповски и Розе Симоновска чии филмови за една година ќе бидат изработени и прикажани на петото издание на фестивалот.
“Преку езерото” одвои и посебна вечер со програма за деца и млади на која беа прикажани два филма за учениците од училиштето “Јосиф Јосифовски” од Гевгелија и филмот “Јон Вардар” против вселената од Гоце Цветановски.
