Независните коишто ќе формираат партии пред локалните ќе земат од колач на СДСМ, но и ќе го заинтересираат неопределеното и незаинтересирано гласачко тело што и онака ретко излегува на избори. Ова е прогноза на дел од политичките аналитичарите, по укинувањето на обврската за собирање потписи за независните листи. Аналитачорот Александар Ристевски вели дека тоа ќе има влијание на излезноста.
Македонската десница со години наназад победува на локални избори бидејќи работи и остварува резултати со проекти во општините, па така наесен Ристевски не очекува никакви изненадувања во однос на резултатите што ќе ги постигне ВМРО ДПМНЕ.
По укинувањето на обврската за собирањето на потписи за учество на независните листи во изборниот процес, најгласните независни групи, како „Зелен хуман град“, „Шанса за Центар“ и „Независни за Карпош“, одлучија да продолжат со собирање на потписи, не за кандидатури, туку за регистрација на политичка партија. Оваа одлука ја образложуваат со недовербата којашто ја имале кон институциите и како што велат, страв од нови измени во последен момент и евентуално оспорување на нивното учество. Веруваат дека до крајот на месецов ќе успеат да ги соберат потписите.
Според прогнозите, но и неизвесноста дали граѓаните ќе имаат поширока лепеза од партии за да го дадат својот глас, најинтересно ќе биде во скопските општини Центар и Карпош. Анкетите говорат дека фаворит за татко на градот е актуелниот гадоначалник на Кисела Вода Орце Ѓоргиевски. Сепак, најизвесната битка на овие локални, ќе би де во политичките блокови на албанската заедница во Македонија.
