Скопјанец е приведен поради сериозна закана за безбедноста на полициски хеликоптер за време на операции за гаснење пожар. И.А. (55) од Скопје е осомничен за сторено кривично дело „загрозување на безбедноста на воздушниот сообраќај“ според член 303 од Кривичниот законик.
Инцидентот се случил на 6 јули, кога хеликоптерот „Белл 412“ се подготвувал да наполни вода за гаснење пожар во реонот на Блаце, во близина на местото каде реката Лепенец се влива во Вардар. Пилотите го забележале во плиткиот дел од реката, кога почнал да фрлала со камења кон воздухопловот, принудувајќи ги да ја сменат локацијата за полнење вода поради загрозување на безбедноста.
По преземени мерки, осомничениот е пронајден и приведен. По целосно документирање на случајот, против него ќе биде поднесена кривична пријава.
