Крвава бркотница во Тетово се случи денеска околу 12:30 часот, а во возило кое учествувало во вооружена престрелка е пронајден застрелан и убиен маж. Повредени се четири луѓе, меѓу нив и девојче кое било во близина на местото на престрелката и е погодено со заскитан куршум.
Тројца мажи, од кои двајца со прострелни рани, се префрлени на скопските клиники. Третиот, 60-годишник, бил прегазен со автомобил со кој бегале учесниците во престрелката. Полицијата веднаш изврши увид. Засега не се открива идентитетот на убиениот, ниту мотивите за нападот. Најверојатно станува збор за убиство поврзано со одмазда и нерасчистени односи.
