Американскиот претседател Доналд Трамп нареди распоредување на две нуклеарни подморници како реакција на провокативни изјави од страна на сегашениот заменик-претседател на Советот за безбедност на Русија Димитриј Медведев.
Повод за реакцијата на Трамп е изјавата на Медведев во која тој предупредува дека Русија би можела да вклучи делови од рускиот систем за нуклеарен напад “Мртва Рака”. Ова се случи откако Трамп го скрати рокот што и го даде на Русија за да се согласи на прекин на огнот во Украина, од 50 на 10 дена, со закана за воведување строги санкции. Овој ултиматум, кој истекува следната недела беше отфрлен од Медведев.
Путин, исто така, го отфрли најновиот обид на Трамп да го притисне за мир, велејќи дека неговите воени цели во Украина се непроменети и ги отфрла повиците за прекин на огнот.
