Еден повреден, две пеплосани куќи во пожар во скопско Лисиче

Едно лице е повредено во пожарот кој синоќа пеплоса две куќи во скопската населба Лисиче. Пожарот избувнал нешто по полноќ, а зафатил и покрив на соседна куќа.

Противпожарната бригада интервенирала бргу, но гаснењето било дополнително отежнато поради азбестните плочи што биле дел од покривната конструкција на објектите, што создало опасност и за самите пожарникари. Истрагата треба да ги расветли причините за пожарот.