Пет лица загинаа, а уште едно е тешко повредено, откако вооружен напаѓач отворил оган во зградата на седиштето на Националната лига за американски фудбал на Парк авенија во Менхетен.
Инцидентот се случил во утринските часови, кога 27-годишниот Шејн Тамура, поранешен играч на американски фудбал со историја на ментални нарушувања, пристигнал пред зградата со автоматска пушка М4, излегол од возилото и веднаш почнал да пука.
Првата жртва бил полицаец од Њујорк кој не бил на должност, но храбро се обидел да го спречи напаѓачот. За жал, загинал на лице место. Тамура потоа пукал во случајни луѓе во фоајето, вклучувајќи и една жена која се обидела да побегне.
По неколку минути бесмислено насилство, се качил со лифт до 33. кат, каде што застрелал уште еден чувар и еден службеник, по што си го одзел животот пукајќи си во градите.
Мотивот за нападот сè уште не е познат. Зградата каде што се случи пукањето е дом на десетици компании, вклучувајќи ја НФЛ, инвестициската група „Блекстоун“, „Руден риел естејт“ и сметководствената фирма „КПМГ“.
