Најмалку 12 лица загинаа, а повеќе од 100 се повредени во серија експлозии што се случија во склад за оружје во северозападна Сирија, соопшти Сириската опсерваторија за човекови права. Меѓу загинатите се жена и дете.
Складиштето за оружје и муниција ѝ припаѓало на Туркестанската исламска партија, мала џихадистичка група активна во регионот Идлиб, составена од Ујгурски борци кои преминале во Сирија за време на граѓанската војна за да се борат против режимот на поранешниот претседател Башар ал Асад.
