Британскиот премиер Кир Стармер објави дека денеска ќе се одржи итен состанок меѓу Париз, Лондон и Берлин за ситуацијата во Газа, потврдувајќи го „неотуѓивото право на палестинскиот народ“ на државност.
Тој додаде дека ситуацијата во Газа „достигна нов критичен праг и продолжува да се влошува“.
Во меѓувреме, малкуте преостанати болници во Газа отворија одделенија за да го сместат растечкиот број тешко неухранети деца. Лекарите се толку гладни што чувствуваат вртоглавица додека ги посетуваат пациентите, објавува „Вашингтон пост“.
Министерството за здравство во Газа соопшти дека уште десет лица починале од глад во последните 24 часа.
