Германскиот канцелар Фридрих Мерц и францускиот претседател Емануел Макрон на средбата во Берлин ја изразија својата решеност да одговорат со контрамерки на можните американски царини за стоките од ЕУ, доколку со тековните преговори не се успее да се постигне решение.
САД планираат да воведат царини од 30 проценти за стоките од ЕУ, почнувајќи од први август.
Преговорите со Унијата се во тек за да се спречи ова со трговски договор.
Германија и Франција ќе се координираат тесно со Италија и Европската комисија во последната фаза од преговорите.
„Двете страни се согласуваат дека треба да го задржат правото да користат дополнителни инструменти за трговска политика доколку преговорите не успеат“, изјави портпаролот на германската влада, Штефан Корнелиус, по тричасовниот состанок во Берлин.
Според извори вклучени во преговорите, ЕУ и САД се приближуваат кон трговски договор што би вовел царини од 15 проценти за европскиот увоз, сличен на договорот што Доналд Трамп го склучи со Јапонија.
