Шефот на иранската дипломатија Абас Арагчи изјави дека Техеран нема да се откаже од својата нуклеарна програма, вклучително и збогатувањето на ураниум, и покрај големите штети што ги претрпеа главните постројки во американските бомбардирања минатиот месец.
Според неговите зборови, секој евентуален договор околу иранската нуклеарна програма мора да го вклучува и правото на земјата да работи на збогатување ураниум.
На прашањето дали збогатениот ураниум бил складиран некаде по нападот, Арагчи избегна директен одговор, велејќи дека нема детални информации. Тој додаде дека Организацијата за атомска енергија на Иран се обидува да направи проценки за тоа што точно се случило со збогатениот материјал.
