Украинскиот претседател Володимир Зеленски објави дека следната рунда директни преговори со Русија ќе се одржи во среда, на 23 јули, во Турција.
Во своето видео-обраќање до нацијата, Зеленски рече дека разговарал со шефот на украинскиот Совет за безбедност, Рустем Умеров, кој го потврдил закажувањето на состанокот. Зеленски порача дека е неопходно да се направи сѐ за постигнување прекин на огнот и дека Русија треба да престане да се крие од процесот на донесување одлуки.
Претходната рунда разговори се одржа во Истанбул на 2 јуни, а претходно на 16 мај. Кремљ сè уште не го потврдил датумот или локацијата и посочува дека двете страни имаат дијаметрално спротивставени ставови за решавање на конфликтот.
