Повторно инцидент во автобус на ЈСП во Скопје. Автобусот со број 13 се запалил изутринава пред скопска Цементара. Во моментот на избувнување на пожарот, во автобусот имало патници, но за среќа – нема повредени.
Благодарение на брзата реакција на жената возач, која храбро се обидела да го изгасне пожарот, е спречена поголема катастрофа. Сепак, таа била хоспитализирана поради вдишување чад. По соодветниот третман, по неколку часа била пуштена дома.
Од синдикатот на ЈСП алармираат дека во автобусот немало исправен апарат за гаснење. Среќна околност е што во тој момент поминувал друг автобус, чии што возач застанал и го дал својот апарат за гаснење, со што бил совладан огнот.
Случајот повторно ја отвора дилемата за безбедноста на патниците и исправноста на возилата што секојдневно сообраќаат низ главниот град.
