Најмалку едно лице загина, а тројца биле повредени кога пожар зафати станбена зграда по рускиот напад со беспилотно летало врз Одеса синоќа.
Украинскиот претседател Володимир Зеленски објави денеска дека Русија ја нападнала Украина во текот на ноќта со повеќе од 30 ракети и 300 дронови.
Во нападот е оштетена и стратешката инфраструктура во градот Суми, каде неколку илјади домаќинства останале без електрична енергија, објави Зеленски на мрежата Телеграм.
Од друга страна, украински беспилотни летала повторно ја нападнале Москва. Градоначалникот Сергеј Собјанин објави дека руските единици за воздушна одбрана пресретнале 13 дронови што летале кон Москва за помалку од два часа. Нема извештаи за жртви или материјална штета.
Повеќе од 50 возови се одложени, а железничкиот сообраќај е делумно запрен во Ростовскиот регион откако остатоци од беспилотно летало паднале на пругата, соопштија руските железници.
