Висок процент дури 41% од граѓаните целосно или делумно го поддржуваат стратешкото партнерството на Македонија и Велика Британија и кредитот за проекти во инфраструктурата. Покажува истражувањето на порталот МКД.мк, кое го спроведе агенцијата Маркет вижн.
Уште поголем процент од граѓаните веруваат дека семејството Заеви и Венко Филипче се замешани во криминалот со набавката за јаглен за ЕСМ. Дури 53,1% веруваат, а 31,9 % не можат да проценат дали ова е вистина.
Исто така, голем процент од граѓаните веруваат дека поранешниот премиер ЗОран Заев инвестира во изградба на згради во Дубаи. Речиси 50 % веруваат во овие информации, 27, 4% не се запознаени, а само 13,3 % не веруваат.
На прашањето „во која насока сметате дека се движат работите во Македонија“, 34,3 отсто од испитаниците одговориле дека насоката е правилна.
Анкетирањето е спроведено телефонски од 20 јуни до 4 јули на примерок од 1.200 испитаници.
Во однос на анкетата за рејтинзите на партиите и нивните лидери, ВМРО ДПМНЕ и Хиристијан Мицкоски и натаму се во убедливо водство. Покажува анкетата на порталот Мкд.мк и агенцијата Маркет вижн.
Анкетата покажува дека најголема доверба кај граѓаните ужива лидерот на ВМРО ДПМНЕ Христиан Мицкоски so 26,9 %. Од албанскиот политички блок најголема доверба кај граѓаните има лидеот на ДУИ, Али Ахмети односно 6%.
На трето место е Венко Филипче како претседател на СДСМ со доверба од 4,7%. Претседателите на партиите од коалицијата Вреди, Изет Меџити и Билал Касами имаат по близу 2 проценти, а Африм Гаши има 1%.
И оваа анкета е спроведена телефонски од 20 јуни до 4 јули на примерок од 1200 испитаници.
