Пукање во селото Батинци – убиен е припадник на Армијата на Македонија. Од МВР соопштија дека денеска, околу 10:15 часот, во СВР Скопје било пријавено дека на влезот од селото Батинци, лицето М.Џ. пукал со огнено оружје кон патничко возило „Киа“ кое било во движење.
Педесетгодишниот А.М. се здобил со прострелни рани во пределот на градниот кош и бил пренесен во ГОБ „Св. Наум Охридски“ за укажување лекарска помош, каде што во 11:00 часот била констатирана смрт од страна на доктор, соопшти МВР.
Околностите под кои настанал инцидентот засега не се познати. Надлежните органи започнаа истрага за расветлување на случајот. Полицијата изврши увид на терен и работи на утврдување на мотивите за пукањето.
