Без договор завршија разговорите што се одржаа во Катар помеѓу претставници на Хамас и Израел за можен прекин на огнот. Двајца палестински извори информираат дека првата рунда на индиректни преговори во Доха била неуспешна, бидејќи израелската делегација, според нив, немала потребни овластувања за да договорат решение со Хамас.
Ако ова официјално се потврди, тоа значи дека паднаа во вода оптимистичките прогнози на американскиот претседател Доналд Трамп, кој синоќа изјави дека постои „добра шанса“ да се постигне договор со палестинското исламистичко движење Хамас „оваа недела“, што би довело до ослободување на израелските заложници држени во Појасот Газа.
Инаку, индиректните разговори меѓу Израел и Хамас за договор за прекин на огнот и ослободување на заложниците во Газа започнаа вчера вечерта во Доха, пред средбата меѓу американскиот претседател и израелскиот премиер Бенјамин Нетанјаху. На состанокот во Белата куќа, меѓу другото, ќе се дискутира за предлогот на САД за 60-дневен прекин на огнот.
