Од наредната учебна година сведителствата ќе бидат електронски. Печатените заминуваат во историјата. По новината за онлајн уписи за средношколците, министерката Јаневска најави промени и за основците. Образованието на пат целосно да се дигитализира . Свидетелствата електронски ќе се преземаат од средните училишта до кои учениците поднеле електронска пријава за упис, за на тој начин да биде проверен успехот и останатите критериуми. Новитетот ќе биде воведен догодина, за да можат учениците и родителите да се адаптираат, а министерката очекува дека барем 80 до 90 проценти од свидителствата да бидат во дигитална форма.
„Децата и родителите и немаат потреба да го имаат сведителството во раце, освен што можеби тоа ете тоа е начин некако социјално да се дружат да се пофалат да се израдуваат, па некои и да се разочараат за да вложат повеќе труд. Тоа ќе можат да одлучат учениците и родителите. Впрочем училиштето секогаш може да искористи еден до два топа хартија од по 500 денари за да им даде некаков вид на документ на децата дека еве завршиле 4-то, 5-то и 6-то одделение. Бидејќи системот може да ги повлече свидетелствата електронски за упис во средно, тие де факто немаат потреба од тие свидетелства“, рече министерката за образование Весна Јаневска.
Електронското преземање на свидетелствата ќе важи и за факултетите. Во меѓувреме се заокружува вториот уписен рок за во средните училишта. Министерката информираше дека интересот е голем особено за стручното образование, а наскоро ќе бидат објавени конечните резултати.
„Јас сум задоволна што годинава повторно се полнат средните стручни училишта, што е многу добро за државата. Секаде има доволен број на пријавени како што веќе знаете обврзно е средното образование и сите ученици ќе мора некаде да се запишат, за жал некои ќе немаат избор, но тоа зависи од нивниот успех во минатото“, изјави Весна Јаневска министер за образование.
Министерката денеска присуствуваше на доделување на награди на ученици од Македонија кои освоија второ место на Европскиот квиз на пари во 2025 година.
