Чекање со часови, нервозни патници, километарски колони, пеколни температури – секоја година иста слика на граничните премини со Грција. И изминатиот викенд се чекаше по 4 до пет часа за да се премине границата. Но министерот Тошковски има план како да се реши деценискиот проблем. Ќе бидат пуштени две нови ленти за излез од Македонија кон Грција и една лента за влез за товарни возила од Грција кон Македонија. Министерот со тим од експерти направил обиколка до границата кон Грција и уверува дека ќе направат се што е во нивна надлежност за да се овозможи побрз транзит на патниците. Во блиска иднина, се планира товарниот соосбраќај да биде целосно отстранет од постоечките ленти на Богородица.
До крајот на неделава се очекува и пуштање во употреба на one stop shop na границата со Србија. Досега, овој начин којшто овозможува побрз проток на патници е воспоставен на двата гранични премини кон Косово и според информациите на министерот, дава одлични резултати. Се поминува брзо и без ниаккво чекање. Исто така, македонското МВР е во интензивни преговори со Албанија за имплементација на one stop shop на граничните премини со оваа земја.
Побрз проток на патници и единствена контрола при влез на патниците во земјава се бенефитите од функционирањето на системот One stop Shop. Доколку овој систем се воспостави и кон Албанија, многу побрзо ќе се поминува границата со западниот сосед.
