Американскиот претседател – Доналд Трамп изјави дека САД нашле купувач за „ТикТок“. Според Трамп, станува збор за група „многу богати луѓе“. Други детали за зделката, американскиот претседател најави за околу две недели.
За продажбата ќе биде потребно и одобрение од кинеската влада, и според проценките на американскиот претседател, таа „веројатно“ ќе биде одобрена од кинескиот претседател Си Џинпинг. Еден ден пред Трамп да ја преземе функцијата, во јануари годинава, во САД стапи на сила закон со кој од кинеската матична компанија „БајтДенс“ се бара да го продаде „ТикТок“, во спротивно, платформата ќе биде забранета.
Причината за ова се стравувањата на американските власти дека Пекинг би можел да го користи „ТикТок“ за да влијае врз јавното мислење во САД.
