Во Техеран се одржа масовна погребна церемонија на 60 лица убиени во неодамнешните израелски напади врз Иран, на кој присуствуваа илјадници граѓани, вклучувајќи ги семејствата на жртвите, војници, студенти и владини претставници.
Свечената погребна поворка се движеше од плоштадот Енгелаб пред Универзитетот во Техеран до плоштадот Азади, објави ИРНА.
Официјални лица потврдија дека меѓу жртвите има неколку воени команданти, научници и цивили, вклучувајќи четири деца и четири жени.
Церемонијата се одржа на вториот ден од светиот месец Мухарам. Иран соопшти дека во серијата напади што ги изведе Израел загинале вкупно 600 лица низ целата земја, вклучувајќи 12 членови на едно семејство кои, според иранските власти, биле убиени во еден од нападите.
