Од неисплатени субвенции, закочени проекти и хаос во системот, до девет милијарди денари исплатени средства и историски откупни цени. За само една година, земјоделството тргна во нов, поорганизиран и поддржувачки правец. Министерот Трипуновски даде отчет за сработеното во изминатата година и посочи дека Владата по седумгодишниот хаос кој го направила минатата влада на СДСМ и ДУИ, конечно успеала да воспостави стабилен систем на соработка со земјоделците – решени се децениски проблеми ѝ е вратена довербата во институциите.
„За една година Влада реализиравме голем број проекти, решивме крупни проблеми, воспоставуваме систем за соработка, изградивме партнерски однос со земјоделците и им ја вративме довербата кон институциите. Кај тутунот е постигната зголемена откупна цена од 375 на 400 денари, а на субвенцијата од 80 на 100 денари, со што се постигнала највисока цена во историјата на тутунопроизводството“, изјави Трипуновски на прес-конференција по повод една година Влада.
Зголемени се и површините под култури – со 1.400 хектари повеќе тутун, раст и кај јачменот и пченицата, како и за 82% повисок извоз на јаболка во првите месеци од годината. Поддршка има и за младите земјоделци, модернизација, инфраструктура, а се обезбедени и дополнителни средства за „Македонски шуми“ и „Водостопанство“.
„Првпат во историјата е утврдена производна цена со што се постигна највисоки откупни цени за двете вински сорти на грозје од реколтата 2024 година Вранецот изнесуваше 20,8 денари за килограм, а смедеревката 18,3 денари. Во завршна фаза е и утврдувањето на производната цената за 2025 година верувам дека лозарите ќе бидат уште позадоволни годинава… Обезбедени се и дополнителни 132 милиони денари за обнова на инфраструктурата за наводнување и одводнување, а воспоставиме е и проектна единица „Наводнување на Македонија“, која рече дека претходно била целосно нефункционална и не екипирана, а денес, истакна имаме вода во секоја нива во државата“, изјави Цветан Трипуновски, министер за земјоделие.
Министерот Трипуновски, меѓу останатото, наброја и дека е обезбедена поддршка од 61,5 милиони денари за научно образовните институции, како и 60,6 милиони денари за локални манифестации и саеми за минатата година, како и 10,9 милиони денари за годинава. Со реформи, поддршка и јасна визија – земјоделството станува стратегиски столб на економијата. Владата ветува – ова е само почеток.
