Доналд Трамп го спореди американскиот напад врз Иран со одлуката на САД да се фрлаат атомски бомби во Јапонија на крајот на Втората светска војна.
„Нели бевме успешни со нашиот погодок? Тоа ја заврши војната. Не сакам да ги користам примерите со Хирошима и Нагасаки, но тоа во суштина беше истата работа која ја заврши војната. Ако не го направевме тоа сега, тие и натаму ќе војуваа“, кажа Трамп на Самитот на НАТО во Хаг.
Во своето воведно обраќање на отворањето на самитот, генералниот секретар на Алијансата, Марк Руте, нагласи дека историјата покажала оти кога Северна Америка и Европа работат заедно тоа претставува добитна комбинација и противниците го знаат тоа.
„Се соочуваме во опасен момент за нашите една милијарда граѓани. Руската војна против Украина беснее. Агресивното групирање на противници се обидува да не подели и да не предизвика. На Блискиот Исток има војна, тероризмот претставува постојана закана, а новите технологии носат можности, но и многу сериозни безбедносни предизвици“, рече Руте.
На овој самит, рече тој, ќе се донесат историски одлуки со кои нашите граѓани ќе бидат побезбедни…
Во меѓувреме, Иран ја прекинува соработката со нуклеарното надзорно тело на ОН – обвинувајќи ги дека тие го отвориле патот за нападите од Израел…
