СДСМ уште еднаш ја покажа својата политичка немоќ и потценувањето на граѓаните, со тоа што предложи кандидати за градоначалници кои се синоним за неспособност, слаб рејтинг и партиска послушност кон Зоран Заев, оценуваат од ВМРО-ДПМНЕ.
-Овие кандидати се директно избрани од Заев, а изгласани од Филипче и новото раководство на СДСМ кое беше трет и четврт ешалон во времето на Заев, односно деца и послушници на Заев. Оваа стратегија за изборите е правена од Заев и Филипче пред само некој месец кога говоревме дека овие двајца се во Дубаи, тогаш тие ковале план за Кочани да им биде таргет. Очигледно е дека овие кандидати се ставени колку да не е без ич, со оглед на тоа дека и оние кои беа досега градоначалници од СДСМ, не направија ништо за своите општини, освен празнење на општинските каси, нула проекти и развојот одеше во надолна линија. Нивните општини стагнираа, а граѓаните беа оставени сами со своите проблеми. Кандидатите и кадрите на СДСМ се добро познати по јавноста. Тепачи на жени, манипулатори, луѓе кои им велат на своите граѓани дека нема потреба да ги гласаат, луѓе кои се полни со скандали и криминал, едноставно луѓе без грам достоинство и срам, се наведува во соопштението на владејачката партија.
„Некогаш големата СДСМ, сега е пред распад. ВМРО-ДПМНЕ ќе биде апсолутен победник на локалните избори“ – велат од ВМРО-ДПМНЕ.
