Македонија е една од најбрзорастечките економии во Европа со четвртиот највисок економски раст на БДП. Претседателот на ВМРО-ДПМНЕ задоволен од сработеното на неговата влада досега, ги соопшти позитивните придвижувања во економијата на вчерашниот јубилеј по повод 35 годишнината на ВМРО-ДПМНЕ. Тој вели дека Владата се соочила со бројни предизвици и преземала одговорност кога економијата беше во криза за да работи на санирање на штетите од минатото, на создавање стабилна и предвидлива економија, на отворање на нови работни места, подобрување на услови за сите работници, посебно младите, земјоделците и пензионерите.
Мицкоски потенцираше дека многу сериозно ја сфаќа функцијата и дека несовесното седење во фотелјата секогаш носи срам и разочарувања, а достојното пријатели и вистински поддржувачи. Според него, највредната работа што може еден човек да ја остави на своите потомци е честа и чистиот образ. Тој посочи да функционерите од владејачката гарнитура не треба да заборават од каде потекнуваат, и каде ќе се вратат.
„Најскапата работа што еден човек може да ја остави на своите потомци, не се парите, не е имотот, туку честа и чистиот образ. Како што мудро знаат нашите да кажат, не смеат функционерите да заборават дека: макадамот по селата и улиците е повистински, и поавтентичен и помек од килимот по хотелите и канцелариите, заради реалноста која ја има во себе и чекорот на своите сограѓани кои чекорат по него, а фотелјата е секогаш понеудобна од гајбата пред кооперација, заради тоа што таму извира твојата моќ и твојата цел“ – вели Мицкоски.
Мицкоски зборуваше и за начинот на кој Владата ја води надворешната политика. Тој укажа дека надворешна политика е принципиелна и се темели на заштита на заедничка историја, култура и идентитет. Мицкоски потенцираше дека целта на Владата е да изгради општество кадешто ќе нема привилегирани, туку ќе има правда за сите граѓани. Тоа меѓу другото, додаде дека значи и дека безмилосно ќе се реагира кој секој што ќе ја злоупотреби довербата на народоот.
