Состојба што го одзема зборот, но не и желбата за живот. Здружението Хоуп заедно со Центарот за рехабилитација на патологија на вербална комуникација под мотото „Надежта е нашиот најсилен збор“, ги здружија знаењето и искуствата во месец јуни – месец на подигнување на свеста за афазија. Од „Хоуп“ велат деика во Македонија граѓаните малку се запознати со ваквата состојба, а тоа го покажува и анкетата во која од 241 исптаник дури 68% изјавиле дека никогаш не слушнале за ваквата состојба.
„Интересен податок е дека 68% не слушнале никогаш за терминот афазија, а од 235 испитани 100 мажи и 135 жени, кога направивме анализа според полот жени мажи видовме дека 90% од женикоте кои учестуввале ја знаат таа повзаност меѓу мозочниот удар и афазијата, а 84% од мажите исто така слушнале“, изјави Нермин Теловска – директор на ЈЗУ центар за рехабилитација.
Станува збор за состојба во која пациентите целосно или делумно ја измаат изгубена способноста на говор. Мирјана Марковска претседател на Хоуп, која и самата има преживеано два мозочни удари, смета дека целта на ова здружение е да се постигне свеста кај луѓето за ваквата состојба.
Од Клиниката за неврологија велат дека дневно се хоспитализираат по еден до двајца пациенти со мозочен удар. Говорот кај нив е или целосно изгубен или тешко оштетен.
„Нема ликаменти што може да го подобрат говорот, тоа е заблуда дека со некои лекови говорот ќе се подобри, тоа само може со соработка и работа со нашите колеги и соработници логопеди“, изјави Иван Барбов, специјалист по неврологија.
Инаку во Македонија се проценува дека има меѓу 5.000 до 10.000 луѓе кои живеат со оваа состојба.
