Николоски: Започнуваме со амбициозна агенда, со најголемиот инфраструктурен проект во регионот

Утре стартува реализацијата на планот кој треба сериозно да ја промени сликата на Македонија. Почнува постапката за брзата железница – најголемиот инфраструктурен проект во регионот. Координативното тело ќе ја започне постапката за финансирање на проектот тежок околу две милијарди евра, прв во серијата која следи како резултат на договорот за стратешко партнерство со Обединетото Кралство кој носи потенцијал за 6 милијарди евра проекти. Вицепремиерот и министер за транспорт Николоски, кој стави потпис на договорот во Лондон, во гостување на ТВ Алфа потенцира бројни бенефити од партнерството со моќниот сојузник. Економски но и политички.