Третманот за закрепнување на повредените од пожарот во Кочани продолжува. Тим од лекари специјалисти од Клиниката за рекунструктивна и пластична хирургија и денеска е во кочанската болница.
Се рехабилитираат и прегледуваат сите пациенти на кој им е потребна медицнска помош.Најчести се преврските на раните, но и физикална терапија. Кај голем дел од пациентите состојбата со изгорениците значително е подобрена – информираат хирурзите. За тешките повреди непходна е физикална терапија на горните екстремитети.
Во меѓувреме, дел од семејствата на повредените бараат лекувањето и закрепнувањето на нивните најблиски да се одвива во странство.
Тим од специјалисти од скопските клиники во наредниот период ќе дежураат во кочанската болница за да ја утврдуваат состојбата на сите кои беа повредени во трагедијата во Кочани.
Изминативе неколку недели докторите правеа поединечна евалуација на оние кои биле хоспитализирани во странство и се вратени во земјава, но и луѓето што беа лекувани во македонските болници по што ќе знаат дали некој има дополнителна потреба од рехабилитација или ортопедски помагала.
