Средношколците утре го полагаат првиот испит по македонски јазик од државната матура за кои се имаат пријавено вкупно 15.000 ученици. Тестаторите сериозно да ја спроведат работата, а учениците да не препишуваат на испитот бидејќи тоа е дел од нивното образование, апелираше министерката за образование Весна Јаневска.
За разлика од минатата, оваа година полагањето на државната матура ќе се одвива со поригорозни мерки. На учениците ќе им се одземат мобилните телефони, еден тестатор ќе внимава на 15 деца. Оној кој ќе биде фатен како препишува на испитот ќе биде веднаш отстранет и ќе му биде забрането да го полага предметот.
За вториот дел од испитот, кој ќе се одржи на 11 јуни, 13.000 матуранти се пријавиле да полагаат странски јазик а само 1.250 се одлучиле за математика.
Државната матура е неопходен чекор за запишување на факултет. За разлика од пред десетина години кога на врвот беа општествените смерови, во последно време се поголем интерес има за техничките струки.
Упсиите на факултите ќе бидат на крајот на август, а на почетокот на јули универзитетите ќе ги објават конкурсите за слободни места за бруцоши.
Давид Крстевски
