Директорот (в.д.), Стојанче Ангелов, на Дирекцијата за заштита и спасување (ДЗС) присуствуваше на средба за претставување на Четвртата платформа за дијалог за намалување на ризикот од катастрофи, одржана во Скопје. Овој настан ги собра клучните национални институции, донаторската заедница и Програмата за развој на Обединетите нации (УНДП), со цел зајакнување на координацијата и соработката во областа на намалување на ризикот од катастрофи во Македонија.
Средбата беше отворена со обраќања од министерот за внатрешни работи, г. Тошковски, и постојаниот претставник на УНДП, г. Григорјан, кои ја истакнаа важноста на заедничките напори за зајакнување на националната отпорност.
Посебен акцент на сесијата беше презентацијата на Н.Е. Амбасадорката на Јапонија, г-ѓа Кавахара, која го претстави јапонскиот систем за управување со кризи и намалување на ризици од катастрофи, со фокус на институционалната структура и најдобрите практики. Дополнително, Република Србија ја презентираше својата национална регистарска база на ризици, обезбедувајќи вреден регионален увид во нивниот пристап кон управување со ризици.
