Најмалку 50 лица, меѓу кои четири деца, се повредени во „ужасен“ инцидент во Ливерпул, откако автомобил удри во толпа луѓе за време на прославата на шампионската титула на фудбалскиот клуб Ливерпул.
Според снимките од местото на настанот, црн автомобил со голема брзина се забил во толпата навивачи, оставајќи зад себе хаос и паника. Полицијата потврди дека лицето е уапсено и дека е во тек кривична истрага. Полицијата соопшти дека настанот, кој се случи на државен празник, не се третира како терористички чин и најверојатно е изолиран случај. „Овие сцени во Ливерпул се ужасни – моите мисли се со сите повредени и засегнати“, порача британскиот премиер Киер Стармер. Поранешни фудбалери на Ливерпул изразија шок и сочувство, а Премиер лигата објави дека е „згрозена од настанот и ги поддржува сите повредени и нивните семејства“.
