Повторно конфронтација при официјална државна посета во Белата куќа. За разлика од украинскиот претседател Зеленски пред три месеци, јужноафриканскиот претседател Рамафоса беше подготвен за тоа. Сирил Рамафоса дојде во Вашингтон за да разговара за инвестиции, царини, трговија со суровини и традицијата на Јужноафриканската Република (ЈАР) во голфот како спорт.
Но, американскиот претседател Доналд Трамп по исклучок не покажа никаков интерес за овие теми и наместо тоа го соочи својот гостин во Белата куќа пред претставниците на медиумите со печатени статии и видео филм кои, според наводите на Трамп, треба да докажат масовно убиство на белото население во Јужноафриканската Република.
Рамафоса остана сериозен, но смирен, учтиво праша од кои извори потекнуваат обвинувањата и посочи на разноликоста на неговата земја и на составот на неговата делегација. Инаку, пред една недела владата на Трамп во експресна постапка им призна статус на бегалци на околу 50 бели јужноафриканци.
