Кичевчанец со секира ги нападнал родителите, таткото починал, мајката во критична состојба. Денеска во 07.10 часот, кичевската полициија го лишила од слобода E.A. (48) од селото Србјани, кичевско поради сторено кривично дело „убиство“.
Околу 07 часот во ПС Кичево од Итната медицинска помош Кичево, било пријавено дека кај нив се јавил Е.А. и кажал дека во семејната куќа во с. Србјани со секира ги нападнал неговите родители. Со возило на Итна медицинска помош двете лица се пренесени во медицинскиот центар Кичево, каде У.А. (74), татко на сторителот, им подлегнал на повредите а Ф.А. (67), мајка на сторителот, е во неконтактибилна состојба.
