Во неговиот прв благослов денеска напладне, папата Лав XIV повика на праведен и траен мир во Украина и итен прекин на огнот во Газа, со ослободување на заложниците и доставување хуманитарна помош. „Никогаш повеќе војна!“ рече Лav од чардакот на базиликата „Свети Петар“.
Новиот папа го цитираше претходниот Франциск, и се надоврза потсетувајќи на крајот на Втората светска војна пред 80 години, велејќи дека тоа е „трета светска војна на парчиња“. Лав XIV, првиот американски папа, исто така истакна дека денеска е денот на мајката во многу земји и им посака на сите мајки, „меѓу кои ги и оние на небото“ среќен ден на мајката.
Толпата верници, исполнета со музички групи кои маршираа во градот за специјалниот јубилеен викенд, го поздравија со овации и музика додека биеја камбаните на базиликата „Свети Петар“.
