Новите пакистански напади на индиска територија дополнително ја влошија и онака експлозивната ситуација меѓу двете нуклеарни сили. Како што се шири преку групите на Телеграм, синоќа се појави видео кое наводно прикажува нови воздушни напади во индиската држава Пенџаб. Засега се потврдени експлозии на две локации, но сè уште не е познат бројот на жртвите.
Само неколку часа претходно, пакистански балистички ракети го погодија аеродромот во Амритсар, потврдија индиски извори.
„Ќе се одмаздиме за секоја капка крв,“ изјави пакистанскиот премиер Шариф, обраќајќи ѝ се на нацијата по нападите од Индија. „Подготвени сме да се бориме до последната капка крв за честа и одбраната на нашата татковина и за овие жртви,“ изјави Шахбаз Шариф, премиер на Пакистан.
Индија пак тврди дека цел биле единствено терористите кои убиле невини луѓе во Кашмир, додавајќи дека земјата создала нова историја со операцијата против Пакистан.
„Индиските сили создадоа нова историја покажувајќи ја својата храброст и посветеност. Армијата дејствуваше прецизно, будно и чувствително. Не дозволивме ниту едно цивилно население да биде засегнато,“ изјави Раџнат Сингх, министер за одбрана на Индија.
Светот со засилени повици за воздржаност и деескалација на тензиите во регионот.
