Премиерот на Македонија, Христијан Мицкоски, оствари значајна средба со австрискиот канцелар Кристијан Стокер, која беше исполнета со заемно почитување, поддршка и визија за продлабочување на соработката меѓу двете земји.
Разговорот се одвиваше во конструктивна атмосфера, а темите што беа допрени вклучуваат прашања од висок приоритет – европската перспектива на Македонија, регионалната стабилност и потенцијалот за конкретни заеднички проекти.
„Ваквите средби се потврда дека дијалогот и партнерството се клуч за напредокот,“ изјави премиерот Мицкоски.
Оваа средба претставува важен чекор во унапредувањето на македонско-австриските односи и потврда за силната поддршка од Австрија за интегративните процеси на Македонија.
