Одговорноста за зачувување на кредибилитетот и интегритетот на институциите е основен приоритет и обврска која не дозволува компромиси. По недавните настани кои се поврзани со претседателката на Државната комисија за спречување на корупцијата (ДКСК), Татјана Димитровска, Кабинетот на претседателот на Собранието изјави дека доколку судската постапка ги потврди наводите, претседателот на Собранието ќе иницира соодветна процедура за разрешување без двоумење.
Претседателот на Собранието, почитувајќи ја презумпцијата на невиност и независноста на судските органи, се воздржува од какви било предвремени изјави. Клучен приоритет останува да се овозможи на надлежните институции да ја завршат својата работа без надворешни притисоци. Сепак, ако наводите се потврдат во судска постапка, претседателот на Собранието ќе преземе соодветни мерки и ќе иницира собраниска процедура за разрешување.
Поранешната претседателка на Антикорупциската комисија, Билјана Ивановска, во денешната изјава за медиумите нагласи дека случајот нанесува сериозен удар на Комисијата и дека претседателката треба да поднесе оставка, бидејќи продолжува да ја компромитира институцијата. Според Ивановска, сега е ред на законодавниот дом да преземе одговорност, бидејќи пред него одговараат и претседателката и членовите на Антикорупциската комисија.
