На денешниот натпревар од Првата македонска фудбалска лига помеѓу ФК Гостивар и ФК Работнички, беше забележан еден од најсрамните моменти во домашниот фудбал. Екипата на ФК Гостивар организирано го напушти теренот, откако резултатот не се развиваше во нивна корист.
Наместо да се борат до последниот свиреж, фудбалерите на Гостивар избраа да го напуштат натпреварот, притоа обидувајќи се вината за својата некоректна постапка да ја префрлат врз судиите.
Документацијата е јасна: според официјалниот записник од натпреварот, претставник на ФК Гостивар уште предвреме ги известил судиите дека клубот ќе се повлече доколку резултатот не им оди во прилог.
Со овој чин, ФК Гостивар грубо ги прекрши основните принципи на фер-плејот и нанесе тежок удар врз угледот на македонскиот фудбал. Институциите сега се очекува да реагираат соодветно и да испратат јасна порака дека вакви постапки нема да бидат толерирани.
