Во фокусот на светската јавност е и смртта на папата Франциск и подготовките за неговиот погреб во сабота, на кој се очекува присуство на околу двесте илјади луѓе.
Огромен е бројот на верници од целиот свет кои чекаат да се простат од него во базиликата Свети Петар, каде што неговото тело е изложено за време на тридневна жалост.
Телото на папата Франциско беше пренесено од капелата Света Марта во базиликата Свети Петар, каде верниците со часови чекаат во ред за да можат накратко да го видат починатиот поглавар на Римокатоличката црква. Има и туристи за кои ова е повеќе доживување отколку религиозно искуство.
