Потпретседателот на Владата и министер за транспорт, Александар Николовски, од вчера е во дводневна работна посета на Обединетото Кралство, каде ќе оствари работна средба со Герет Томас, министер за бизнис, извоз и услуги, средба со министерот за Европа, Стефан Доти, како и со Дејм Карен, специјален пратеник на премиерот на Велика Британија за Западен Балкан. Истотака, предвидени се средби и со претставници од бизнис заедницата во Лондон.
Како што се наведува во соопштението од Министерството за транспорт, тема на работните средби е зацврстување на стратегиската соработка меѓу Република Македонија и Обединетото Кралство.
Предвидено е на средбите да се разговара за економската и трговската соработка со посебен фокус на инвестиции во инфраструктурниот сектор.
Покрај економските теми, ќе се потврдат и добрите политички односи меѓу двете земји.
