СДСМ продолжува да работи контра македонскиот народ. Наместо да го стават прстот на чело и да се запрашаат зошто имаат низок рејтинг, тие продолжуваат да им се додворуваат на Бугарите, се вели во денешното партиско соопштение на владејачката ВМРО-ДПМНЕ.
„34 години, без престан, работат во корист за другите, а не за македонскиот народ и држава. Лажеле за знамето, за името, за Уставот, за ЕУ и за што уште не. На СДСМ, во нивната матрица, им е лагата. Денес повторно пред јавноста, иако, министерот за надворешни на Бугарија изјави – Македонија да не очекува Уставните измени да бидат последен чекор од интеграцијата во ЕУ, СДСМ, како партија за пропаганда, продолжува слепо да си верува сама на себе, дека уште Уставни измени и ете сме во ЕУ. На СДСМ не му е до достоинството; на СДСМ важни им се тендерите, сплетките, криминалите, буквално – се што не треба,“ истакнуваат од ВМРО-ДПМНЕ.“
