Папата исто така напишал дека договорил неименуван добротвор да ги покрие трошоците за неговиот погреб. На последното испраќање, се очекува да присуствуваат државни и владини лидери од цел свет. Тело на папата Франциск се уште се наоѓа во капелата на гостинската куќа „Каса Санта Марта“, која беше неговата резиденција во Ватикан.
Утре, телото ќе биде пренесено во базиликата „Свети Петар“, каде верниците ќе имаат можност да му оддадат последна почит.Папата Франциск, кој беше папа 12 години, почина вчера од мозочен удар, по што падна во кома, а потоа доживеа срцев удар. Како духовен водач на 1,4 милијарди католици, Франциск беше првиот папа од Латинска Америка и првиот језуит.
Лидерите од цел свет му оддадоа почит по неговата смрт, истакнувајќи ја неговата понизност, мудрост и сочувство.
Ватикан објави дека официјалната резиденција на папата Франциск е запечатена. Станува збор за папските апартмани во Апостолската палата, кои иако биле предвидени за престој на папата, не биле искористени за време на неговиот понтификат. Од неговиот избор во 2013 година, па до неговата смрт, тој живееше во гостинската куќа „Каса Санта Марта“, близу базиликата „Свети Петар“ во Ватикан.
