Болката дека нивниот екс-министер Бектеши е уште во притвор како осомничен за Кочани, ги натера Али Ахмети и ДУИ дури и да измислуваат работи и да шират лажни вести.
Прво, со денови обвинуваа дека истрагата се води селективно, по што излегоа со обвинувања дека со неа се таргетирале главно Албанци, за сега да измислат дека поради ваквиот начин на спроведување на истражните дејства еден од обвинителите си поднел оставка.
„Ниту еден јавен обвинител не се повлекол од истрагата за пожарот во Кочани поради наводни притисоци и несогласување со правната квалификација на кривичните дела за осомничените„ реагира Јавното обвинителство „Обвинителскиот тим постапува целосно синхронизирано и непрекинато презема дејствија“.
Инаку, ДУИ утрово со драматично соопштение предупреди за политички притисок во истрагата за пожарот во дискотеката „Пулс“ во Кочани. Всушност, на опозициската партија најголем проблем ѝ е што нејзиниот член Крешник Бектеши, кој е осомнилен во истрагата, и натаму останува во притвор. „Информациите дека еден јавен обвинител кој бил дел од предметот се повлекол поради несогласувања околу квалификацијата на делото и особено поради политички притисоци од страна на партии во Владата, во нормална држава, би бил аларм за целото општество“, се вели во соопшението на ДУИ.
