Кривичниот суд во Скопје попладнево им определи мерки на претпазливост на шестмина полициски службеници, за кои Основното јавно обвинителство за гонење организиран криминал и корупција претходно денеска ја побара оваа мерка во рамки на проширената истрага за пожарот во Кочани.
Мерките на претпазливост вклучуваат:
– одземање на патна исправа,
– забрана за напуштање на живеалиште,
– јавување во суд,
– забрана за контакт со останати обвинети/осомничени,
– забрана за преземање одредени работни активности.
Покрај овие шест полицајци, ОЈО ГОКК побара мерки на претпазливост да бидат определени и за уште еден од седумчлената група полицајци со кои е проширена истрагата за Кочани. Тој во моментов не е достапен на органите на прогонот и по него се трага.
