Трет ден од работната посета на владината делегација на Обединетите Арапски Емирати. За денеска е предвидена средба со премиерот и владетел на Дубаи, шеикот Мохамед бин Рашид Ал Мактум.
Вчера министерот за надворешни работи и надворешна трговија, Тимчо Муцунски, потпиша два договора – едниот за економска соработка, трговија и инфраструктура, а другиот за размена на знаење и искуства помеѓу двете дипломатски академии. Вицепремиерот и министер за транспорт, Александар Николоски, пак, рече дека очекува во брзо време инвестиции од Емиратите.
Според него, македонските извозни компании можат да ја користат помошта и логистиката што ја нуди владата на Емиратите за да освојат нови пазари и да ги пласираат своите производи на Истокот.
По средбите со стопанските комори во Шарџа и Дубаи, Николоски потенцираше дека има голема заинтересираност за соработка во делот на туризмот, инфраструктурата и земјоделскиот сектор.
